Об, падидаи осмонӣ

Одамӣ одат дорад, ки ҳангоми дуо кардан дастҳои худро ба суи осмон баланд кунад ва маъонии баланду мутаолиро осмонӣ донаду осмонро маншаи хайру баракат донад. Бале воқеан осмон маншаи хайру баракат ва зиндагист, чунончи дар сураи Бақара - ояти 22 мехонем:

الَّذِي جَعَلَ لَکُمُ الْأَرْضَ فِرَاشاً وَالْسَّمَاءَ بِنَاءً وَأَنْزَلَ مِنَ الْسَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقاً لَکُمْ فَلاَ تَجْعَلُوا لِلّهِ أَنْدَاداً وَأَنْتُمْ تَعْلَمُونَ

Об, падидаи осмонӣ

Одамӣ одат дорад, ки ҳангоми дуо кардан дастҳои худро ба суи осмон баланд кунад ва маъонии баланду мутаолиро осмонӣ донаду осмонро маншаи хайру баракат донад. Бале воқеан осмон маншаи хайру баракат ва зиндагист, чунончи дар сураи Бақара - ояти 22 мехонем:

الَّذِي جَعَلَ لَکُمُ الْأَرْضَ فِرَاشاً وَالْسَّمَاءَ بِنَاءً وَأَنْزَلَ مِنَ الْسَّمَاءِ مَاءً فَأَخْرَجَ بِهِ مِنَ الثَّمَرَاتِ رِزْقاً لَکُمْ فَلاَ تَجْعَلُوا لِلّهِ أَنْدَاداً وَأَنْتُمْ تَعْلَمُونَ

“Он Худое, ки заминро бистари шумо ва осмонро ҳамчун сақфе болои сари шумо қарор дод ва аз осмон обе фуру фиристод ва ба василаи он меваҳоро парвариш дод то рўзии шумо бошад, пас касеро мислу монанди Ў қарор надиҳед дар ҳоле, ки медонед Худо бемонанд аст.”
Инсонҳо барои чизе, ки онро баланду мутаолӣ мешуморанд, эҳтиром ва арзиши фаровоне қоил ҳастанд. Онҳо барои об низ, ки аз осмон фуруд меояду сарманшаи тамоми баракот мебошад, эҳтироми зиёд қоил буда онро падидаи баланд ва мутаолӣ мешуморанд. Барои ҳамин аст, ки дар мавқеъҳои қаҳтӣ ва беборонӣ дастҳоро ба суи осмон дароз мекунанд ва бо хондани намози борон аз Худои худ тақозои бориши борон мекунанд. Ба ростӣ ин об чи қадар боарзиш ва гаронбаҳост, ки Худованд дар Қуръони карим даҳҳо оятро бо тавзеҳоти фаровон ба он ихтисос дода аст. (Сураҳои Анъом - 99, Юнус - 24, Зумар – 24, Тоҳо – 53, Муъминун – 18, Сабо – 2, Анбиё – 30, Мулк – 30, Набаъ -14 ва …)
Миёни мо инсонҳо ва об равобити маҳкаме вуҷуд дорад, чунончӣ дар баъзе оёти Қуръон Худованд моро ба василаи об таҳдид мекунад. Мисли сураи Мулк - ояти 30, ки мефармояд: «Бигу агар оби шумо (оби сарзаминатон) дар замин фуру равад, чи касе оби равону гуворо дар ихтиёри шумо қарор медиҳад?»
Оёте, ки муштаракан ҳам дар мавриди инсонҳо ва об суҳбат мекунанд, ҳамзамон ба чанд масъала мепардозанд, назири ончи дар ин оят дидем ҳам навъе таҳдид маҳсуб мешавад ва ҳам навъе ташвиқ барои фаҳмидани рамзҳою розҳои марбут ба ин падидаи аҷоибу шигифтангез.